Hvað er www.hvaderimatnum.is?

Hvað er í matnum er heimasíða sem rekin er af Matís. Matís er öflugt þekkingar- og nýsköpunarfyrirtæki fyrir mat, líftækni og matvælaöryggi auk þess sem þar eru stundaðar öflugar rannsóknir. Fyrirtækið er með starfsemi á 9 stöðum á landinu. Upplýsingar á www.hvaderimatnum.is er fengnar úr ÍSGEM-gagnagrunninum sem geymir tölur um efnainnihald matvæla á íslenskum markaði, útflutt matvæli og hráefni. Hægt er að finna upplýsingar um helstu næringarefni í rúmlega 1100 fæðutegundum. Nefna má fitu í matvælum, prótein, kolvetni og viðbættan sykur. Ennfremur upplýsingar um bætiefni, eins og vítamín og steinefni.

Gögn um næringarefni í matvælum hafa verið skráð í ÍSGEM-gagnagrunninn þegar þau uppfylla gæðakröfur. Gögnin eru fengin með

mælingum hjá Matís og fleiri aðilum. Erlend gögn eru tekin upp þegar það á við og útreikningum er einnig beitt. Gögnin eru skráð samkvæmt evrópskum stöðlum og eru alltaf rekjanleg til heimildar.

Hvað er í matnum er ný síða sem mætir eftirspurn kröfuharðra Íslendinga sem leggja hart að sér þegar kemur að heilbrigðu mataræði og hreyfingu. Nú er engin afsökun lengur fyrir því að vita ekki hvað er í matnum sem neytt er.

Taktu ábyrgð, taktu ábyrgð á þinni heilsu og þínu lífi! Kíktu á www.hvaderimatnum.is.

Nánari upplýsingar um notkun forritsins má finna hér.

_{Ábendingar og athugasemdir, hvaderimatnum(at)matis.is.}